ОХУ-ын ЭСЯ-наас Ж.Соронзон захиралтай холбоотой мэдээлэл гаргажээ

БШУ-ны сайд Л.Энх-Амгалан Орос-Монголын хамтарсан III сургуулийн захирал Ж.Соронзонг ажлаас нь чөлөөлөх шийдвэрийг энэ долоо хоногт гаргасан билээ. Тэгвэл үүсээд байгаа нөхцөл байдалтай холбоотойгоор Монгол Улсад суугаа ОХУ-ын Элчин сайдын яамнаас мэдээлэл гаргасан байна.

Уг мэдээлэлд "Монгол тал дээрх шийдвэрийг гаргахдаа Оросын талд мэдэгдээгүй, зөвшилцөж байж гаргах ёстой шийдвэр юм. Хоёр тал харилцан асуудалд хандах дүрэмтэй. Уг дүрэмд Монголын талаас сургуулийн захирлыг сонгоно, гэхдээ ажлаас чөлөөлөх шийдвэрийг дангаараа гаргахгүй, заавал хоёр тал зөвлөлдөнө" гэсэн агуулгатай мэдээлэл нийтэлсэн байна. 

Мэдээллийг эргэн сануулахад, Тус сургуулийн захирал Ж.Соронзон нь  мэдээлэл хийх үеэрээ Үндсэн хуулиар олгосон үндсэн эрхийг зөрчиж, ялгаварлан гадуурхалтыг олон нийтийн дунд бодитой харуулсан учраас ажлаас халах үндэслэл нь болсон гэдгийг БШУ-ны сайд Л.Энх-Амгалан тушаалдаа тодотгосон байдаг.