Л.Наранбаатар: "Хөтөлийн цемент" баларсан, үнэнээ л хэлье

Сангийн сайд Б.Жавхлан өнөөдөр /2022.09.09/ Улаанбаатар Дархан замын ажлын явцтай танилцлаа. 

Ар модтын давааны араас Урьхан хүртэлх замын ажилд цемент хучилтыг хийж, ажлын явц 70 гаруй хувьтай үргэлжилж  байна. Гэрээгээр 2023 оны есдүгээр сард бүрэн ашиглалтад өгөх ёстой ч цементийн хомсдол үүсч, Налайхаас цементээ худалдан авч байгаа талаар Сангийн сайд Б.Жавхлан хэллээ. 

 Хөтөлийн “Цемент Шохой” ХК цемент нийлүүлэх үүрэг хүлээсэн боловч үйлдвэрийн зуухыг засах шаардлагатайгаас нийлүүлэлтэд саатал үүсчээ. 

 Энэ талаар Л.Наранбаатар  хэлэхдээ тэрбээр "Барилгын салбарт 2 сая тонн орчим цемент ашигладаг. Хөтөл цемент хамгийн ихдээ 380 мянган тонн үйлдвэрлэж байсан бол энэ жил бид 400 мянган тонн цемент үйлдвэрлэхээр зорьж байна. Одоогийн байдлаар 280 мянган тонн цемент үйлдвэрлэсэн үүнээс 85 тонныг нь зөвхөн Дарханы зам бус бусад замын бүтээн байгуулалтад өгсөн. "Хөтөл" цемент баларлаа гээд бодит мэдээллийг өгөхгүй яваад байх юм бол цементийн үнэд мэдээж нөлөөлнө. Шуурхай арга хэмжээ авахаар хичээн ажиллаж байна. Одоогоор засварын ажил 60 гаруй хувьтай байна.Бид мөнгөгүй мөн тоосгоны нөөцгүй үйлдвэр хүлээн авсан. Нөөцөө бүрдүүлэхийн тулд тодорхой хугацаа орсон. Зуухны тоосгыг нь зургаан сар тутамд солих ёстой атал 36 сар солиогүй ажиллуулсан байна. Одоо үүнийг засах шаардлагатай, засварын ажлыг ирэх сар гэхэд дуусгана гэсэн төлөвлөгөөтэй ажиллаж байна. Үйлдвэрийг хүлээн авснаас хойш сар бүр ашигтай ажилласан. Асуудлууд мэдээж байна. Хөрөнгө оруулалтууд огт хийгдээгүй явж ирсэн байна лээ. Гэхдээ бид зовлон тооцохгүй" гэв.