Н.Учрал: Замын түгжрэл, хүнд суртлын түгжээ, авлигын түгжрээг цахим шилжилтээр тайлна

ЦХХХ-ны сайд Н.Учрал өнөөдөр /2022.09.09/ Мэдээллийн технологийн үндэсний паркт ажиллалаа. 

Энэ үеэр тэрбээр "Иргэдэд ойлгомжтой, хүртээмжтэй, түргэн шуурхай цахим үйлчилгээний соёл төрд төлөвших нь хүнд суртал, авлигал, бухимдал буурах үндэс болно. Цахим шилжилтийг амжилттай хийсэн улс орнуудыг аз жаргалын индекс нэмэгддэгийг судалгаанаас харж болно. E-Mongolia систем төрийн 63 байгууллагын 680 гаруй үйлчилгээг амжилттай цахимжуулаад байна. Тус байгууллагын 96-н шилдэг мэргэжилтэнтэй хамтран дараах асуудлыг шийднэ" гэлээ. 

1. Бид тоон гарын үсгийн тухай хуулийг баталсан. Одоо хэрэгжүүлэх хэрэгтэй. Одоогоор 300 орчим мянган тоон гарын үсэг түгээсэн боловч хэрэглээнд нэвтрэхгүй байна. Банк санхүү, баримт бичгийн баталгаажилт тоон гарын үсгээр хийгддэг цахим орчныг бүрдүүлэхийн төлөө ажиллана.
2. Нээлттэй мэдээллийн ил тод байдлын тухай хуулийн хэрэгжилтийн үр дүнд цугласан мэдээллүүдийг иргэдэд хүртээмжтэй түгээхэд E-Mongolia системийг ашиглана.
3. E-Business-гадны хөрөнгө оруулагчдад цахим орчинд таатай нөхцөл үүсгэн хилийн чанадаас хуулийн этгээд үүсгэн байгуулах, гэрээ хэлэлцээ хийх, хөрөнгө орууллалтын харилцаанд оролцох боломжийг олгох платформ үүсгэнэ.