“Фантастик" продакшн үзэгчдээс болон кино театруудаас уучлалт хүслээ

"Фантастик" продакшны уран бүтээлчид  "Зура2: Цурам ажиллагаа" киноныхоо нээлтийг өнөөдөр /2022.09.09/  Корпорейт Конвеншн төвд хийхээр төлөвлөж байсан юм. Гэвч кинонд нь алдаа гарснаас үүдэж маргаашаас эхлэн кино театруудаар гаргах болсон талаар тус продакшны хамт олон үзэгчдээс болон кино театруудаас уучлал хүсч мэдээлэл хийлээ. 

Жүжигчин Б.Барслхагва: "Уржигдар манай кинонд маань асуудал гараад бид алдаагаа засах гээд дахиж монтажинд оруулсан учраас кино театруудад кино зоогдох хуваарийнх нь өмнө хүлээлгэж өгч амжсангүй.  Киног маань үзэхээр тасалбар захиалсан байсан бүх үзэгчээсээ уучлалт гуйж байна.  Мөн өнөөдрийн цагийн хуваарьтаа оруулсан байсан кино театруудаас уучлалт гуйж байна. Өнөөдөр Корпорейт Конвеншн төвд 17 цагт нээлтээ хийнэ. Кино маргаашнаас эхлэн театруудаар гарч байна. Үзэгчдээсээ дахин дахин хүлцэл өчье" гэлээ.