Хуурамч дипломын асуудлыг төрийн бүх түвшинд шалгуулахаар Төрийн албаны зөвлөлд ханджээ

БШУЯ-наас хуурамч дипломтой багш нарын талаарх мэдээллийг олон нийтэд танилцуулсан. Тодруулбал, 59 мянган дипломыг шалгахад, 724 диплом зөрчилтэй болох нь тогтоогдсон бол 2000 нь сэжигтэй байна гэдгийг тодотгосон. 

Тэгвэл УИХ-ын гишүүн Ш.Раднаасэд хуурамч дипломын асуудлыг зөвхөн багш нарын хүрээнд бус аймаг, сумдын удирдлагууд болон түүний Тамгын газар, төрийн жинхэнэ албан хаагчдын дипломын асуудлыг нэг мөр шалгахыг Төрийн албаны зөвлөлд ханджээ.

Их дээд сургууль төгсөөгүй байж, төгссөн мэтээр хуурамч диплом хийх явдал гарсаар байгаа нь үнэндээ багш нараар хязгаарлагдахгүй. Хэдийгээр БШУЯ-д их, дээд сургууль төгсөгчдийн мэдээллийн нэгдсэн сан байдаг ч  хуурамчаар диплом үйлддэг асуудал нэгэнт "нутагшаад" удаж буй.  Үүнтэй тэмцэх далайцтай ажлыг энэ удаад эхлүүлж байгаа нь сайшаалтай.