ХҮИС: БШУЯ-ыг шүүхэд өгөхөө мэдэгдлээ

ХҮИС-ийн сургалт эрхлэх тусгай зөвшөөрлийг Боловсрол Шинжлэх Ухааны сайдын "Сургалт эрхлэх тусгай зөвшөөрөл хүчингүй болгох" А/296 дугаар тушаалаар 2022 оны 8-р сарын 19-нд хүчингүй болгож, татан буулгасан байна. Худалдаа үйлчилгээ, бизнесийн салбарт 45 мянга гаруй мэргэжилтэнг бэлтгэн гаргасан 99 жилийн түүхтэй, төрийн өмчийн ууган сургуулийг салбарын яам нь "Мэргэжлийн хяналтын байгууллагын дүгнэлтээр стандарт зөрчсөн, сургалт эрхлэх тусгай зөвшөөрлийн нөхцөл шаардлагыг удаа дараа хангаагүй" зарим сургуулиудтай ижилсгэж, сургалт эрхлэх тусгай зөвшөөрлийг хүчингүй болгох тухай тушаалыг гэнэт гаргасан нь хууль тогтоомжийн холбогдох заалтуудыг зөрсөн үйлдэл гэж үзэж, тус сургуулийн хамт олон нэр төрөө сэргээж, эрх ашгаа хамгаалуулах зорилгоор шүүхэд хандахаар боллоо.