А.Энхболор: Хүүхдүүддээ бага насны хамгийн сайхан дурсамжийг үлдээе гэж зорьдог

Ангиа чимэглэчихээд хүүхдүүдээ хүлээхдээ догдолж суусан хэмээн ярих А.Энхболорыг онцлон хүргэж байна. Түүний хувьд хүүхдийг онц сур гэж загнихаас илүү хувь хүний төлөвшилд анхаарч нийгэмдээ зөв хүнийг бий болгохын төлөө хичээн ажилладаг нэгэн. Энэ хичээлийн жилээр А.Энхболор хүүхдүүдийнхээ эцэг эхчүүдтэй нийлж ангиа чимэглэн хүүхдүүддээ гэнэтийн бэлэг барьсан юм. А.Энхболор 2015 онд багш мэргэжлээр төгссөн. Тэрбээр Ээжийнхээ мөрөөдлийг биелүүлж бага ангийн багш болжээ. Түүний хувьд хүүхдүүддээ тохьтой орчинг бүрдүүлж мөн хүүхдүүдтэй хувь хүн талаас нь ярилцаж, харилцах хэрэгтэй хэмээн ярина.

"Алив миний хүүхдүүд" хэмээн хүүхдүүдээ өхөөрдөн, эелдэг бөгөөд зөөлнөөр харилцана. Түүний гол зорилго зөв хүмүүсийг нийгэмд бэлтгэн гаргаж өөрийн хувь нэмрээ оруулах зорилготой.