ХНХ-ын сайд асан А.Ариунзаяа Ерөнхий сайдад зөвлөнө

Хөдөлмөр, нийгмийн хамгааллын сайд асан А.Ариунзаяа Ерөнхий сайдын ахлах зөвлөхөөр ажиллана. 

Ерөнхий сайдын ахлах зөвлөхөөр ажиллаж байсан Э.Болормаа Ховд аймгийн Засаг даргаар очсон тул дээрх томилгоог хийжээ. 

Ерөнхий сайд Л.Оюун-Эрдэнэ албан ёсны таван зөвлөх, нэг ахлах зөвлөхтэй ажилладаг. Ерөнхий сайдын зөвлөхүүд нь  бодлогын зөвлөгөө өгөх, бүх талын үйлчилгээ, дэмжлэгээр хангах үндсэн үүрэг хүлээж, бүрэн эрхээ хэрэгжүүлэхэд нь чиглэсэн судалгаа, дүн шинжилгээ бүхий мэдээлэл, бодлогын зөвлөгөө өгөх, өдөр тутмын үйлчилгээ, дэмжлэгээр хангах чиг үүрэг хэрэгжүүлнэ. Ерөнхий сайдын зөвлөхүүд бодлогын зөвлөгөө өгөхдөө хариуцсан асуудлаар онол, арга зүй, дотоод, гадаадын туршлага, судалгаа, шинжилгээ, дүгнэлтэд үндэслэнэ гэж заасан байдаг.