ЗГ: "Эрдэнэт" үйлдвэрийн захирал Х.Бадамсүрэнг чөлөөлж, УУХҮ-ийн сайд асан Г.Ёндонг томилно

Л.Бямбажав

2022/08/31

Засгийн газрын ээлжит хуралдаан үргэлжилж байна.

Хуралдаанаар зарим томилгоог хийнэ. Тухайлбал, "Эрдэнэт" үйлдвэрийн захирал Х.Бадамсүрэнг чөлөөлж, түүний оронд УУХҮ-ийн сайд асан Г.Ёндонг томилохоор болжээ.

Г.Ёндон уулын инженер-маркшейдер мэргэжилтэй, Монгол Улсын зөвлөх инженер, докторын зэрэгтэй аж. 1991 онд ОХУ-ын Иркутск хотын Техникийн их сургуулийг тус тус төгссөн.

Ажилласан байдал:1991-1998 онд Уул уурхайн хүрээлэнд эрдэм шинжилгээний ажилтан, 2002-2007 онд “Монголросцветмет” ТӨҮГ-ын Бор өндөр уулын баяжуулах үйлдвэрт Хэсгийн маркшейдер, ерөнхий маркшейдэр, 2007-2009 онд “Монголросцветмет” ТӨҮГ-ын захиргаанд хэлтсийн дарга, 2009-2013 онд “Монголросцветмет” ТӨҮГ-ын Шижир алт үйлдвэрт захирал, 2013-2017 онд “Монголросцветмет” ТӨҮГ-ын Баргилт уулын үйлдвэрт ерөнхий инженер, 2017-2018 онд “Эрдэнэт үйлдвэр” ТӨҮГ-ын Улаанбаатар хот дахь төлөөлөгчийн газрын орлогч дарга, 2018 оноос 2020 он хүртэл “Монголросцветмет” ТӨҮГ-ын Үйлдвэрлэл эрхэлсэн орлогч захирлаар ажиллаж байгаад УУХҮ-ийн сайд болсон.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ