С.Бямбацогт: Дарханы замын нэг урсгалыг энэ жилдээ багтааж ашиглалтад оруулна

 Зам, тээврийн хөгжлийн сайдаар томилогдсон С.Бямбацогтын байр суурийг хүргэж байна. 

Тэрбээр "Энэ салбарын талаар мэдээлэлтэй байгаа. Олон нийтийн өмнө хамгийн том тулгамдсан асуудал нь Дарханы зам. Тиймээс  Дарханы замын нэг урсгалыг энэ жилдээ багтаан оруулах тал дээр түлхүү ажиллана. Монгол Улсын эдийн засаг, төсөв хүндрэлтэй нөхцөл байдалд байгаа. Автозам, боомтын тулгамдсан асуудлууд энэ салбарт их бий. Хамгийн гол нь мэдээлэлтэй байж, судлах ёстой.  Би төрд орохоосоо өмнө бизнес хийж байсан. Тэр дундаа автозамын бүтээн байгуулалтын ажилд оролцож байсан. Миний хамаарал бүхий компани 2013 оныг хүртэл зам гүүрийн барилга угсралтын ажлыг хийдэг байсан. Сүүлийн арван жилд энэ салбарын ажил хийхээ больсон. Тиймээс ямар нэгэн ашиг сонирхлын зөрчил байхгүй. Авто тээврийн салбарыг тодорхой хэмжээнд мэднэ" гэлээ.