Сондгой тоогоор төгссөн дугаартай автомашин хөдөлгөөнд оролцоно

Нийслэлийн замын хөдөлгөөний түгжрэл саатал, бөөгнөрөлийг бууруулах, иргэд олон нийтийг ая тухтай таатай зорчих нөхцөл байдлыг хангах зорилгоор  автомашинуудыг улсын дугаарын тэгш, сондгойгоор замын хөдөлгөөнд оролцуулах болсон.

Өнөөдөр сондгой тоогоор (1, 3, 5, 7, 9) төгссөн автомашин  замын хөдөлгөөнд оролцоно. Өөрөөр хэлбэл, маргааш тэгш тоотой  машинууд замын хөдөлгөөнд оролцоно. 

 Хязгаарлалт эхлэх цэг нь хойд зүгт 32-ын тойрог, урд зүгт Тэмээтэй хөшөөний уулзвар, Баруун зүгт Саппорогийн тойрог, зүүн тийш Чулуун овооны пост хүртэл байна. Торгууль, шийтгэл биет болон телекамерийн тусламжтай дугаарын хязгаарлалтаар зорчсон зөрчлийг илрүүлж ажилладаг. Энэ чиглэлд жолооч нар дугаарын хязгаарлалттай өдөртөө хөдөлгөөнд оролцохгүй.

Түүнчлэн ажил үүрэг гүйцэтгэж яваа тээврийн хэрэгсэл болон дипломат байгууллагын автомашин, зочид төлөөлөгчдийн цуваа, нийтийн тээврийн хэрэгсэл, стандартын шаардлага хангасан такси, таних тэмдэг бүхий хэвлэл мэдээллийн байгууллагын тээврийн хэрэгсэлд уг зохицуулалт хамаарахгүй юм.