Ж.Мөнхбат: Надад сайд болох бодол алга

Засгийн газрын бүтцэд өөрчлөлт орж байгаатай холбоотойгоор сайдад горилогчдын нэрс түрүүчээсээ тодорсон бол зарим нь таамаглал төдий байна. 

Тухайлбал, Төрийн байгуулалтын байнгын хорооны дарга Ж.Мөнхбатыг Шадар сайдын суудалд санаархаж буй гэх мэдээлэл бий. 

Энэ талаар түүнээс тодруулахад тэрбээр "Надад сайдын санал ирээгүй байгаа. Хэвлэл мэдээллийн хэрэгслүүдээр таамаглал төдий нэрс их бичигдэж байна. Өнөөдрийн байдлаар МАН-ын бүлэг дээр  шинэ сайдын асуудал нэг ч яригдаагүй. Хаанаас ч ийм яриа гардаг юм. 2021 оны хоёрдугаар сард Л.Оюун-Эрдэнэ Ерөнхий сайдын Засгийн газар байгуулагдсан. Тухайн үед намаас болон Ерөнхий сайдын зүгээс надад хоёр, гурван ч яамны сайдын санал тавьж байсан. Би татгалзаж, "Сайдад нэр дэвшүүлсэнд баярлалаа" гэж хэлж байсан. Энэ удаад ч надад сайд болох бодол алга" гэлээ.