З.Мэндсайхан: Улаанбуудай, төмсний хэрэгцээг 100 хувь дотоодын ургацаас хангах боломжтой

Улсын ургацын комиссын анхны хуралдаан өнөөдөр болж ургацын урьдчилсан баланс, ургац хураалтын үеийн цаг агаарын ерөнхий төлөв зэрэг цаг үеийн асуудлуудыг хэлэлцлээ. 

“Энэ оны ургацын урьдчилсан балансаар 470 мянган тонн үр тариа, үүнээс 441 мянган тонн улаанбуудай, 234 мянган тонн төмс, 126 мянган тонн хүнсний ногоо, 56 мянган тонн тосны ургамал, 104 мянган тонн малын тэжээлийн ургамал тус тус хураан авах боломжтой гэсэн төлөв гарсан байна. 

Урьдчилсан балансаас харахад улаанбуудай, төмсний хэрэгцээг 100 хувь, хүнсний ногооны 70 орчим хувийг дотоодын ургацаас хангах боломж бүрдэхээр байна.Энэ жил хүнсний ногоочдоо дэмжих зорилгоор Засгийн газраас авч хэрэгжүүлж буй бодлого шийдвэрийн үр дүнд хүнсний ногооны тариалалт 1,500 га-гаар нэмэгдсэн” гэж сайд З.Мэндсайхан мэдээллээ.