Иргэн Б: Шилдэг 2100 хүүхдийг гадаадад сургана гэсэн Ерөнхийлөгчийн тэтгэлгээр боломжгүй айлын хүүхдүүд явж чадахгүй болсон

Элсэлтийн ерөнхий шалгалтад хамгийн өндөр оноо авсан төгсөгчид болон дэлхийн шилдэг их, дээд сургуулийн бакалаврын хөтөлбөрт хамрагдаг эрх авсан иргэдэд сургалтын тэтгэлэг олгох Ерөнхийлөгчийн тэтгэлэг зарлагдсан билээ. 

Тодруулбал,  “Монгол Улсын 330 сум, есөн дүүрэг, 171 хорооноос энэ жил ЭЕШ-ийн шалгалтад математик, гадаад хэлээр хамгийн өндөр оноо авсан 504 хүүхдийг нэгдүгээр курст нь олон улсын хэлний бэлтгэл хөтөлбөрөөр сургаад, ирэх жил хэлний шалгалтдаа тэнцсэн 50 хүртэл хүүхдийг дэлхийн шилдэг их, дээд сургуульд суралцуулах боломж олгох юм. Харин 450 хүүхдэд гадаадын их, дээд сургуульд суралцуулна.

Ерөнхийлөгчийн зарлиг гарснаар орон нутаг, гэр хороололд амьдарч байгаа хүүхдүүдэд дэлхийн шилдэг их, дээд сургуульд суралцах боломж олдож байгаа юм. 

Жил бүр 504 хүүхдийг шалгаруулж үндсэндээ 2100 оюутныг дэлхийн шилдэг их, дээд сургуульд суралцуулснаар Монгол Улсын Ерөнхийлөгчийн мөрийн хөтөлбөрт тусгасан заалт биелэх юм.

Тэгвэл Ерөнхийлөгчийн тэтгэлэгт хамрагдсан иргэн Б-гийн хүүхэд хувиасаа зардал гаргах боломжгүйн улмаас суралцах боломжгүйд хүрээд байгаа талаар манай сайтад хандлаа.