Говь-Алтай аймаг руу орох, гарах хөдөлгөөнийг хязгаарлаж олон нийтийн үйл ажиллагааг зогсоолоо

Говь-алтай  аймгийн Цээл сумын нутаг дэвсгэрээс тарвага агнан хүнсэнд хэрэглэсэн иргэн Төгрөг сумаар дамжин аймгийн төв орсны дараа бие нь муудаж тарваган тахлын шинж тэмдэг илэрсэн байна. Холбогдох албаны хүмүүс шинжилгээ авч Улаанбаатар хот руу сорьцыг илгээсэн тул хариу гартал 24 цагийн хугацаанд буюу 2022 оны 8-р сарын 22ны 18 цагаас 8-р сарын 23ны 19 цаг хүртэл хугацаанд Алтай хот руу орох гарах хөдөлгөөнийг хааж зах, олон нийтийн үйлчилгээг зогсоох арга хэмжээ авчээ.