Хөвсгөл аймгийн Хөдөлмөр, халамж үйлчилгээний газрын дарга Б.Эрдэнэхуяг халамжийн мөнгийг ААН-д зээлжээ

Авлигатай тэмцэх газрын Мөрдөн шалгах хэлтэс 2022 оны 8 дугаар сарын 15-19-ний өдрүүдэд гэмт хэргийн шинжтэй 43 гомдол, мэдээлэл хүлээн авч, нийт 82 гомдол, мэдээллийг шалгажээ. Мөрдөн шалгах ажиллагаанд одоогоор 714 хэрэг шалгагдаж байна. Өнгөрсөн долоо хоногт нийт 29 объектод нэгжлэгийн ажиллагаа явуулсан байна.

Шүүхэд шилжүүлэх саналтайгаар прокурорын байгууллагад хүргүүлсэн хэргүүд дунд анхаарал татаж байгаа нь:

• Хөвсгөл аймгийн Хөдөлмөр, халамжийн үйлчилгээний газрын дарга Б.Эрдэнэхуяг нь Хөвсгөл аймагт хуваарилагдан ирсэн 1 тэрбум төгрөгөөс даргын зөвшөөрөлгүйгээр өөрийн хамаарал бүхий аж ахуйн нэгжид зээл олгож, давуу байдал бий болгож, улсад их хэмжээний хохирол учруулсан байна. Тиймээс түүний хэргийг шүүхэд шилжүүлэх саналтайгаар прокурорт хүргүүлжээ.