З.Энхболд: ​АН засагт орох тухай яриа ерөөсөө байж болохгүй

Үндсэн хуулийн цэцийн их суудлын хуралдаанаар давхар дээлтэй холбоотой Үндсэн хуулийн заалтыг эцэслэсэн нь улс төрийн хүрээнд анхаарал татсан асуудал болж байна. Ингэснээр тоонд захирагдахгүйгээр Засгийн газарт давхар дээлтэй сайд нар орж ажиллах нөхцөл бүрдээд байгаа юм. Шинээр байгуулсан хоёр яаманд давхар дээлтэй сайд нар очихоос гадна одоогийн зарим сайдыг парламентын гишүүдээр солих нь нэгэнт тодорхой болов. 

Хэн, хэнийг танхимдаа үлдээх үү, мөн гаднаас хэнийг оруулах уу гэдэг нь хуулиараа Ерөнхий сайдын бүрэн эрхийн асуудал. Засгийн газрын сайд нарт хөдөлгөөн орох сургаар хэвлэлүүдээр ч сайдад горилогчдын сураг ажигийн мэдээlлэл хөвөрч байна.

Түүнчлэн АН-д гурав, ХҮН-д нэг сайдын суудал өгөхөөр тохирсон байсан гэх албан бус мэдээлэл ч бий. 

Энэ тухай мэдээлэлд АН-ын гишүүн З.Энхболд ч байр сууриа илэрхийлээд амжив. Тэрбээр "АН засагт орох тухай яриа ерөөсөө байж болохгүй. Энэ дөрвөн жилд олонхи болсон МАН 100 хувь хариуцлагаа хүлээнэ. Цөөнхи АН хяналтаа тавина" хэмээн сошиал хаягаараа дамжуулжээ.