Л.Энх-Амгалан: Сурагчдыг заавал шинэ дүрэмт хувцас өмс гэсэн шаардлага тавихгүй

БШУ-ны сайд Л.Энх-Амгалан Засгийн газрын хуралдааны дараа мэдээлэл хийлээ. 

Энэ үеэр түүнээс сурагчдын дүрэмт хувцастай холбоотой дараах тодруулгыг авлаа. 

-Дүрэмт хувцасны асуудал эцэг эхчүүдийн толгойны өвчин болж байна, яам үүнд хэрхэн анхаарч байна вэ?

-Эцэг эхчүүдийн өөрсдийнх нь сонголт. Сурагчдыг шинэ дүрэмт хувцас өмс гэсэн шаардлага тавихгүй.

-Сургуулиудын зүгээс тусгайлсан хувцасны компанийн формыг өмс гэсэн шаардлага тавьдаг шүү дээ? 

-Энэ тал дээр бид ямар нэг зохицуулалт хийдэггүй. Үндэсний таван оёдлын үйлдвэр буюу хувийн хэвшлийн зохицуулалттаар явдаг учир төр үүнд оролцох боломжгүй. Үүн дээр тендер гэсэн ойлголт байхгүй.