Төрөөд сар болж байгаа хүүгээ тэжээж чадахгүй тул үрчлүүлнэ гэх зар тавьсан эмэгтэй цахим хаягаа алдсан гэжээ

Өнөөдөр өглөө цахим сүлжээнд "төрөөд сар болж байгаа хүү хүнд өргүүлнэ, авах хүн байвал аваарай. Тэжээж өсгөхөд бэрх байна" гэх зарыг нэгэн эмэгтэй байршуулсан байсан. Цахим сүлжээнд байршуулсан түүний зарыг харсан иргэд олон нийт бухимдаж уг асуудалд шүүмжлэлтэй хандаж байсан юм. 

Зарын дагуу уг асуудлыг цагдаагийн байгууллага шалгахад хүүхдээ өргүүлнэ гэх зар тавьсан эмэгтэй өөрийн хаягаа алдсан гэж мэдүүлэг өгчээ. Цахим хаягаа алдсаны улмаас өөр хүн миний хаягаар тус зарыг бичиж оруулсан гэж тайлбарласан байна.