Туркээс тэрбум төгрөгийн алт, монет хууль бусаар оруулж ирсэн иргэдийг саатуулжээ

Цагдаагийн байгууллага өчигдөр Турк улсаас их хэмжээний үнэт эдлэл хууль бусаар оруулж ирдэг, татвараас зайлсхийдэг бүлэг этгээдүүдийг саатуулжээ. Монгол улсын иргэн Ч, Т, Ц нарыг баривчлах явцад нэг тэрбум гаруй төгрөгийн үнэт эдлэл хураан авсан байна. Одоогоор шалгалтын ажиллагаа явагдаж байгаа тул дээрх үнэт эдлэлийг улсын орлого болгох эсэхийг эцэслэн шийдээгүй байгаа юм.

Дээрх иргэд Чингис Хаан олон улсын буудлын гаалийн хяналтын бүсэд шалгуулахгүйгээр хууль бусаар үнэт эдлэлийг нэвтрүүлсэн байжээ. Шалгалтаар дээрх этгээдүүд нь өмнө нь олон удаагийн үйлдлээр алт, монетан эдлэлийг хууль бусаар оруулж ирдэг, мөнгө угаах төрлийн гэмт хэргийн шинжтэй байсан нь тогтоогджээ.