БГД-т 240 хүүхдийн, СХД-т 150 хүүхдийн цэцэрлэг ашиглалтад орлоо

Баянгол дүүрэгт 240 хүүхдийн, Сонгинохайрхан дүүрэгт 150 хүүхдийн цэцэрлэг ашиглалтад оржээ. БШУЯ-наас мэдээлснээр Баянгол дүүргийн 18 дугаар хорооны 13 дугаар цэцэрлэгийн шинэ барилгыг "Цонбон тоосго" ХХК гүйцэтгэж, улсын комисс хүлээн авчээ. Тус хорооны сургуулийн өмнөх насны 1 111 хүүхэд хамран сургах тойргийн 162, 11, 242, 87 цэцэрлэгүүдэд хамрагдаж байсан бөгөөд шинээр баригдсан 13 дугаар цэцэрлэгт 240 хүүхдийг хамруулах аж.

Мөн Сонгинохайрхан дүүргийн 24 дүгээр хороонд Улсын төсвийн хөрөнгө оруулалтаар 150 хүүхдийн хүчин чадалтай цэцэрлэг ашиглалтад оржээ. Уг барилга ашиглалтад орсноор Сонгинохайрхан дүүргийн Баянхошуу, Баруун салааны хүүхдүүд Улсын цэцэрлэгт бүрэн хамрагдах боломжтой болж байна хэмээн Боловсрол, шинжлэх ухааны яамнаас мэдээллээ.