Сайн мэдээ: Хөгжлийн банк дампуурах эрсдэлээс гарснаа мэдэгдлээ

Засгийн газрын хуралдаанаас гарсан шийдвэрийг танилцуулах үеэр Хөгжлийн банкны гүйцэтгэх захирал Н.Мандуул банкны өнөөгийн нөхцөл байдлын талаар мэдээлэл өглөө. 

Тэрээр: Хөгжлийн банкны хувьд зээлийн эргэн төлөлт нийтдээ 503 тэрбум төгрөгт хүрээд байна. Оны эхэнд нийт 66 зээлдэгч байснаас 7 зээлдэгч зээлээ бүрэн төлж хаасан. Тухайлбал, “Кью Эс Си" ХХК" зэрэг томоохон зээлүүд бүрэн төлөгдөж хаагдсан. Мөн санхүүгийн аудитаа хийж дуусгалаа. Оны өмнө нийт 1.4 их наяд төгрөгийн эрсдэлийн сан байгуулах шаардлага тавигдаж байсан бол зээлийн эргэн төлөлт дээр тодорхой ажлууд хийгдэж, үр дүн гарснаар өнөөдрийн байдлаар 906 сая төгрөгийн эрсдэлийн сан байгуулаад байна. Ингэснээр банкны хувьд ямарваа нэгэн дампуурах эрсдэлээс гарсан. гэлээ