БОАЖЯ төсвийн хөрөнгийн 4,5 тэрбумаар 1000 айлын нүхэн жорлонг шинэчлэх тендер зарлажээ

Айл өрхийн нүхэн жорлонг төвийн шугамд холбох, шинэчлэх ажлыг улсын нэгдсэн төсвөөс буюу татвар төлөгчдийн мөнгөнөөс гаргана гэж УИХ-ын гишүүн М. Оюунчимэг чуулган дээр хэлж байсан удаатай. Түүний энэ саналыг УИХ-ын дарга Г.Занданшатар хатуу шүүмжилж попролд ч бас хязгаар байх хэрэгтэйг сануулж байсан юм.

Тэгвэл Байгаль орчин, аялал жуулчлалын яамнаас 4 тэрбум 500 сая төгрөгөөр  "Гэр хорооллын нүхэн жорлонг шинэчлэх" гэсэн утгатай тендер зарласан байна. Ингэхдээ зардлыг "Улсын төсөв"-өөс гаргана гэжээ. Уг ажлыг нийслэлд биш Орхон аймгийн Баян-Өндөр сумын сонгогдсон байршилд 1000 ширхэг гэр хорооллын нүхэн жорлонг шинэчлэхээр төлөвлөсөн байна.