“Аэрмаркет ХХК” Энэтхэгт хагалгаанд ороод эх орондоо ирэх гэж байсан иргэний билетийг өөр хүнд заржээ

Ясны идээд үрэвсэл оноштой өндөр настай ээжийгээ БНЭУ-д яаралтай хагалгаанд оруулахаар хоёр иргэн ээжийн хамт тус улсыг зорьжээ. Улмаар 7-р сарын 9-ний өдөр эмчилгээ бүрэн дуусч хагалгаа амжилттай болсон тул Аэрмаркет компанийн нислэгээр эх орондоо ирэхээр төлөвлөсөн байна. Гэвч 8-р сарын 6-нд буцахаар төлөвлөж билет захиалснаа хугацааг нь наашлуулж 7-р сарын 14 нд болгосон байжээ. Гэвч тус нислэгийн компани дээрх иргэдийн билетийг өөр хүмүүст зарсан байна. Хагалгаанд орсон өндөр настаны шарх бүрэн аниагүйн дээр 6-9 сарын эмчилгээгээ бичүүлэн аваад эмнэлгээс гарсан байна. Одоо тэд буцах билетгүй, мөнгөгүй, очих газаргүй хүнд нөхцөл байдалд байгаагаа цахим сүлжээнд нийтэлжээ.