М.ЗОРИГТ ТӨСЛӨӨС БОЛЖ НАЙЗЫГАА ДЭМЖИЖ ЧАДАХГҮЙ БАЙГАА ГЭЛЭЭ

Улс төрчид дотроос сошиал ертөнцөд залуусыг байлдан дагуулдаг гэж хэлж болох нэг хүн бол Мөнхчулууны Зоригт. Тэр эгэл бүхнийг фэйсбүүк твиттер хуудсаараа дагагж, дэмжигчидтэйгээ хуваалцдаг. Тиймдээ ч олон мянган дагагж, дэмжигчидтэй биз. Харин сошиал ертөнцийн "од" маань Ардчилсан намаасаа нэр дэвшиж байгаа Х.Баттулгыг дэмжиж ямар нэгэн үг өгүүлбэр хэлэхгүй, бүр түүний талаарх мэдээллүүдийг олон нийтэд түгээхгүй байгааг олон хүн гайхан хүлээн авч байгаа бололтой. Түүний фэйсбүүк хаягаар "Х.Баттулгыг дэмжихгүй байгаа юм уу" гэх асуулт нэлээд ирж байгаа аж.

Гишүүн асан М.Зоригт өнөөдөр өөрийн фэйсбүүк хуудсаараа лайв хийж, олон хүний сонирхсон асуултанд хариулт өглөө. Тэрбээр "Х.Баттулга бид хоёр найз. Би найздаа төсөл хэрэгжүүлж байгаа учраас сурталчилгаанд нь орж чадахгүй байгаагаа дуулгасан. Тэр ойлгосон" гэж хэлэв.

Түүний хэрэгжүүлж байгаа төсөл нь "Бидний цөөхөн Монголчууд" гэсэн нэртэй бөгөөд Монголынхоо нутгаар тойрч, ард иргэдийнхээ ажамьдралын гэрэл зургийн хальснаа буулгаж, амьдрал ахуй, онцлогтой нь танилцаж яваа юм байна. Тиймээс л хэн нэгнийг илт дэмжиж байгаагаа олон нийтэд илэрхийлэн бусдад нөлөөлөл үзүүлэх нь зохисгүй гэж үзэж байгаа бололтой.

Н.Батаа