С.В.Лавров: Олон улсын асуудлаарх манай хоёр орны байр суурь ижилхэн байгаа

Монгол Улсын Гадаад харилцааны сайд Б.Батцэцэг ОХУ-ын Гадаад хэргийн сайд С.В.Лавров нар өнөөдөр хамтарсан мэдэгдэл хийлээ.

Энэ үеэр ОХУ-ын Гадаад хэргийн сайд С.В.Лавров:  "Олон улсын асуудлаарх манай байр суурь, ижилхэн байгаа. Юуны түрүүнд манай хоёр улс НҮБ-ын үндсэн дүрэмд тусгасан бүх дүрмийг дээдэлж, тусгаар улсуудын эрх мэдлийг хүндэтгэж, хамтын ажиллагааны бүхий л чиглэлээр хөгжүүлэх зүйлийг дээдлэх явдал юм.

Өөрийн зүгээс өнөөдрийн дэлхий дахины хурцадмал байдлын шалтгааныг нарийвчлан тайлбарлаж, тэр дундаа АНУ болон түүний холбоотнуудын зүгээс өөрийнхөө асуудлыг, бусдын гараар шийдвэрлэх хүсэлтэй холбоотой асуудлыг нарийн ярилцлаа.

Энэ үйл ажиллагааны хамгийн эрсдэлтэй явдал бол сүүлийн олон жилийн хугацаанд Украин улсыг Оросын эсрэг чиглэсэн шинэ нацизмын дэглэмтэй улс болгон хувиргаж, Украин улсын нутаг дэвсгэрээс ОХУ-д аюул занал учруулахад оршиж байгаа.

Донбасст болон Украины бусад нутгуудад болж буй цэргийн тусгай ажиллагааны үйл явцын талаарх мэдээллийг өөрийн зүгээс өгсөн. Бидний зүгээс Украинд болж буй үйл явдлыг яг хэрхэн өрнөж байгаа талаарх бүх үнэн бодит мэдээллийг дэлгэхийг хүсэж байгаа. Харамсалтай нь Барууны орнуудын зүгээс үнэн бодит, бие даасан хараат бус мэдээллийн эх сурвалжийг хязгаарлаж байна.

Монгол Улс Шанхайн Хамтын Ажиллагааны Байгууллага/ШХАБ/, Европын Эдийн Засгийн Холбоо, Хамтын Аюулгүй Байдлын Гэрээний Байгууллагатай холбоо харилцааг улам илүү өргөжүүлэх тал дээр тодорхой саналуудыг хэлсэн.

Монгол Улсын нөөц бололцоог бүрэн ашиглах, хоёр талын хамтын ажиллагааны нөөц бололцоог бүрэн ашиглан олон улсын тавцанд хамтын ажиллагааг улам илүү нягт уялдуулах тал дээр хоёр талаас хүсэл эрмэлзлийг харуулсан өнөөдрийн яриа хэлэлцээний үр дүнд сэтгэл хангалуун байгаа гэдэгт би хатагтай Батцэцэг сайдтай санал нэг байна" гэв.