Г.Батбаяр: С.Эрдэнэ рүү халдсан Д.Алтанхуягийн биеэс хутга, мэсний зүйл олдсон

АН-ын Хуулийн зөвлөх Г.Батбаяр тус намын дарга С.Эрдэнийн биед халдаж, гэмтээсэн Д.Алтанхуягийн биенээс хутга, мэсний зүйл илэрсэн гэж мэдээллээ. Тэрээр хэлэхдээ: 

"Иргэн А гэгч этгээд АН-ын дарга С.Эрдэнийн амь нас эрүүл мэндэд халдахаар улайран дайрч түүнийг бэртээж, гэмтээсэн. Мөн олон нийтийг үл хүндэтгэж олон нийтийн өмнө зодтолоо улайрсан байна. Энэ нь эрүүгийн хуулийн 10.1-2 дахь хэсэгт заасан өс хонзон, хувийн тааламжгүй харилцааны улмаас бусдын амь насыг хөнөөхөөр завдах гэсэн гэмт хэргийн төрөлд орно. Бид үүгээр гомдол гаргасан, учир нь түүний биеэс хутга, мэсний төрлийн зүйл гарсан. Энийг цагдаагийн байгууллага баримтжуулж нотолсон. Тухайн этгээдийг 48 цагийн хугацаатай хорьсон байгаа" гэсэн юм. 

Мөн С. Эрдэнийн биед халдаад зогсохгүй 2-3 хүнийг зодож гэмтээн, биед нь гэмтэл учруулсан гэлээ.