100 мянгаас дээш иргэн цахимаар санал илгээвэл УИХ яаралтай горимд асуудлыг хэлэлцдэг болно

УИХ -ын чуулганы өнөөдрийн нэгдсэн хуралдаан дээр манай улсад үнийн өсөлт дээд цэгтээ хүрч бүс нутгийн хэмжээнд тэргүүлж байгааг УИХ-ын дарга Г.Занданшатар онцолсон. Үндсэн хуулийн нэмэлт өөрчлөлтийн асуудлаар долоо хоногийн хугацаанд тойрогтоо ажилласан гишүүдэд иргэдээс илгээсэн хамгийн их санал шүүмжлэл нь үнийн өсөлтийг хязгаарлах арга хэмжээ ав гэдгийг хэлж байжээ.

Тиймээс УИХ-ын дарга ажлын хэсэг байгуулан шуурхай ажиллах чиглэл өгсөн юм. Үүнээс гадна иргэдийн санал гомдлыг цахимаар хүлээн авч шаардлагатай тохиолдолд УИХ хэлэлцэн, хууль баталдаг байх төслийг өргөн барьж байгаагаа хэллээ.

Тодруулбал: 33 мянгаас дээш санал цахимаар ирсэн тохиолдолд УИХ ажлын хэсэг байгуулан ажиллах бол 70 мянга ба түүнээс дээш санал ирсэн тохиолдолд хяналт шалгалт хийхээр хуульчилжээ. Харин 100 мянга ба түүнээс дээш санал иргэдээс ирсэн тохиолдолд УИХ тухайн асуудлыг яаралтай горимд хэлэлцэж, шаардлагатай хуулийн төслийг боловсруулдаг байхаар төсөл өргөн баоьжээ.