Барилгын туслах хийж байсан хоёр залуу блоконд дарагдан амиа алджээ

Цагдаагийн байгууллагад энэ оны 06 дугаар сарын 26-ны өдрийн 12:04 цагт Баянгол дүүргийн 11 дүгээр хорооны нутаг дэвсгэрт “Шороо нурж хүн дарагдсан байна” гэх дуудлага, мэдээлэл бүртгэгдсэн байна.

Дуудлага, мэдээллийг тус дүүрэг дэх цагдаагийн газрын нэгдүгээр хэлтсээс шалгахад хувиараа барилгын туслахын ажил хийж байсан Архангай аймгийн харьяат 24 настай, эрэгтэй “Д”, Хөвсгөл аймгийн харьяат 17 настай, эрэгтэй “Э” нар нь барилгын суурийн ухсан нүхэнд байх блокон хананы нурангид дарагдан нас барсан хэрэгт мөрдөн шалгах ажиллагаа явуулж байна.