Чанаргүй зээл 2022 оны 5 дугаар сарын эцэст 2.1 их наяд төгрөг болж, өмнөх сараас 17.0 (0.8%) тэрбум төгрөгөөр буурчээ

Mөнгөний нийлүүлэлт (M2) 2022 оны 5 дугаар сарын эцэст урьдчилсан гүйцэтгэлээр 27.4 их наяд төгрөг болж, өмнөх оны мөн үеэс 190.9 (0.7%) тэрбум төгрөгөөр өсөхөд төгрөгийн харилцах 155.9 (3.2%) тэрбум төгрөгөөр, валютын харилцах 1.2 (57.7%) их наяд төгрөгөөр өссөн нь нөлөөлжээ.

Бага мөнгө (M1) 2022 оны 5 дугаар сарын эцэст урьдчилсан гүйцэтгэлээр 5.7 их наяд төгрөг болж, өмнөх сараас 19.8 (0.3%) тэрбум төгрөгөөр, өмнөх оны мөн үеэс 29.6 (0.5%) тэрбум төгрөгөөр буурсан байна. Бага мөнгө (M1)-ний 5.0 (86.6%) их наяд төгрөг нь төгрөгийн харилцах, 768.1 (13.4%) тэрбум төгрөг нь хадгаламжийн байгууллагаас гадуурх мөнгө байна.

Бараг мөнгө 2022 оны 5 дугаар сарын эцэст урьдчилсан гүйцэтгэлээр 21.6 их наяд төгрөг болж, өмнөх сараас 45.6 (0.2%) тэрбум төгрөгөөр буурч, өмнөх оны мөн үеэс 220.5 (1.0%) тэрбум төгрөгөөр өссөн байна. Бараг мөнгөний 13.9 (64.5%) их наяд төгрөг нь төгрөгийн хадгаламж, 4.4 (20.3%) их наяд төгрөг нь валютын хадгаламж, 3.3 (15.2%) их наяд төгрөг нь валютын харилцах байна.
Гүйлгээнд гаргасан бэлэн мөнгө 2022 оны 5 дугаар сарын эцэст урьдчилсан гүйцэтгэлээр 1.1 их наяд төгрөг болж, өмнөх сараас 21.2 (2.1%) тэрбум төгрөгөөр өсөж, өмнөх оны мөн үеэс 196.4 (15.7%) тэрбум төгрөгөөр буурчээ.