Хөвсгөл нуурыг ЮНЕСКО бүртгэж авлаа

Франц Улсын нийслэл Парис хотод UNESCO Хүн ба шим мандлын хөтөлбөрийн олон улсын зохицуулах зөвлөлийн 34 дүгээр хурал зохион байгуулагдаж байна. Энэ хурлын үеэр Хөвсгөл нуурыг UNESCO хүлээн авч бүртгэсэн тухай БШУ-ны сайд Л.Энх-Амгалан өөрийн цахим хуудастаа талархан ийн бичсэн байна. Тэрбээр "Хөх сувд хөтөлбөрийг дэмжиж, Хөвсгөл нуураа дэлхийн байгалийн өвд бүртгүүлэх үйлсэд гар бие, сэтгэл зүрхээ зориулсан бүх хүнд чин сэтгэлийн талархал илэрхийлье" гэсэн бол БОАЖ-ын сайд Б.Бат-Эрдэнэ " Хөвсгөл нуур маань Хүн ба шим мандал хөтөлбөрийн Дэлхийн сүлжээнд бүртгэгдлээ. Өөрөөр хэлбэл Хөвсгөл нуурыг ЮНЕСКО бүртгэж авлаа. Хөвсгөл нуурын байгалийн цогцолборт газар олон улсад данстай боллоо. 1,7 сая га газар хамран бүртгэгдэв" гэсэн байна.