Халдварт өвчнийг үүсгэдэг гол хүчин зүйл нь хоол тэжээлээс хамаардаг

Эрүүл мэндийн яам,  Нийгмийн эрүүл мэндийн үндэсний төв,  НҮБ-ын Хүүхдийн сантай хамтран Монгол Улс дахь Хүүхдийн илүүдэл жин, таргалалтын тархалтын цар хүрээ  шалтгааныг тогтоох  түүнтэй тэмцэх үр дүнтэй арга хэмжээг тодорхойлох зорилгоор "Хүүхдийн илүүдэл жин, таргалалтаас сэргийлэх нь" хэлэлцүүлгийг зохион байгууллаа. Энэхүү хэлэлцүүлэгт Эрүүл мэндийн яам,  Боловсрол Шинжлэх Ухааны Яам, Хүнс Хөдөө Аж Ахуй Хөнгөн Үйлдвэрийн Яам, Мэргэжлийн Хяналтын Ерөнхий Газар, Шударга Өрсөлдөөн Хэрэглэгчийн Төлөө Газар, Стандарт Хэмжил Зүйн Газар, Анагаахын Шинжлэх Ухааны Үндэсний Их Сургуулийн төлөөллүүд болон НҮБ-ын  Зүүн Ази Номхон далайн бүсийн хоол тэжээлийн зөвлөх мэргэжилтэн Фиона Вотсан нар оролцож байна.
 
 


“Монгол Улсын хүүхдийн илүүдэл жин, таргалалтын өнөөгийн байдал” өргөн хүрээний дүн шинжилгээний тайланд тусгагдсан “Тэргүүлэх арга хэмжээ” зөвлөмжийг хэрэгжүүлэх чиглэлээр холбогдох салбарын оролцоог хангасан төлөвлөгөөний төсөл боловсруулж байна.