ХКҮ компани мах экспортлох зөвшөөрлөө Эм Ди Си Пи-д ашиглуулсан уу? зарсан уу? гэдгийг шалгаж байна

Ерөнхийлөгч асан Х.Баттулгын эгч Х.Цэндбаярын эзэмшдэг "ХКҮ"-ийн Баянгол зочид буудалд байрлах оффист ЭЦГ-аас шалгалт хийж байна. Тус үйлдвэрийн хаяг, шошго бүхий олон тооны мах Эм Ди Си Пи үйлдвэрээс олдсоныг Зариг.Мн сайт анхлан мэдээлж байсан билээ. Тэгвэл ЭЦГ-аас ХКҮ компани нь өөрсдийн мах экспортлох тусгай зөвшөөрлөө Эмээлт дэх Эм Ди Си Пи үйлдвэрт ашиглуулсан уу? эсвэл бүр зарсан уу гэдэг асуудлыг шалгаж эхэлжээ. Тухайн үед Мах Импекс компани нь эмээлт дэх үйлдвэрт яагаад ХКҮ-гийн хаяг шошго байгааг хэлж мэдэхгүй байна хэмээн мэдээлж байсан юм.

Цагдаагийн байгууллагаас Эм Ди Си Пи компанийн захирал болон бусад албан тушаалтнуудаас мэдүүлэг авч байгаа бол ХКҮ-компанийн оффис, агуулахын байруудад нэгжлэг хийх холбогдох хүмүүсээс мэдүүлэг авах ажлыг хийж байна.