Эмээлтийн 31 махны үйлдвэрийн 17-г түр хугацаагаар хааж, лацдаад байна

Эмээлтэд махны чиглэлээр 32 ААН үйл ажиллагаа явуулж байна. Харин улсын хэмжээнд нийт мах бэлтгэлийн 60 ААН ажиллаж байгаа юм. Үүнээс Хятад руу экспортлох эрхтэй 31 үйлдвэр байдгийг шадар сайд мэдээллээ. Тэгвэл дээрх үйлдвэрүүдэд 5-р сарын 11-нээс хяналт, шалгалт хийж эхэлсэн бөгөөд өнөөдрийн байдлаар 31 үйлдвэрээс 17-г нь түр хааж, лацадсан гэж мэдээллээ. Махны экспорт хийж байгаа үйлдвэрүүдийн үйл ажиллагааг 14 хоногийн хугацаанд түр зогсоож нэг нэгээр нь эрсдэлийн үнэлгээ хийж, эрүүл ахуйн стандартыг мөрдөж байвал үйл ажиллагааг нь хэвийн ажиллуулахаар шийдээд байгаа бол  стандарт мөрдөөгүй зөрчилтэй ААН-ийн тусгай зөвшөөрлийг цуцлахаар болж байгаа юм.