С.Амарсайхан: Дотоодод дулааны аргаар боловсруулсан мах нийлүүлэгдэхгүй байгаа нь шалгалтаар тогтоогдсон

Монгол Улсад махны чиглэлээр үйл ажиллагаа явуулдаг 173 аж ахуйн нэгж байгаагаас 61 нь экспортын мах бэлддэг бөгөөд 31 нь БНХАУ руу мах гаргаж байна. Үүнээс 15 үйлдвэр дулааны аргаар мах боловсруулж байна. Өнгөрөгч тавдугаар сарын 10-аас эхлэн холбогдох байгууллагууд шалгалтыг явуулж эхэлсэн бөгөөд эдгээр үйлдвэрүүдээс 17 үйлдвэрийн үйл ажиллагааг зогсоож, хяналт шалгалт хийж байгаа талаар МУ-ын Шадар сайд С.Амарсайхан хэллээ. Тэрбээр хэрвээ шалгалтаар эдгээр үйлдвэрүүд стандарт зөрчсөн нь тогтоогдвол үйл ажиллагааг нь зогсоох, хариуцлага тооцно гэдгийг хэлж байна.