Хятад үйлдвэр маханд хольж байсан цагаан нунтгаас “Цогцос” хадгалахад ашигладаг химийн хортой бодис илэрчээ

Эмээлтэд үйл ажиллагаа явуулдаг мах бэлтгэлийн Эм Ди Си Пи үйлдвэрт хийгдсэн шалгалтаар 11 төрлийн шинжилгээний дээж авсан. Өнөөдөр шинжилгээний хариу бүрэн гарч МХЕГ-аас танилцуулсан билээ. Тус үйлдвэрийн маханд хольж байсан цардуул гэгдэх нунтаг цагаан бодисонд хийгдсэн шинжилгээгээр “формальдегид” буюу “цогцос” хадгалахад ашигладаг химийн хортой бодис илэрчээ. Тодруулбал:  Мах боловсруулах үйлдвэрт байсан бор цаасан ууттай цагаан нунтагаас дээж авахад цардуулын агууламж 92.45%, кальци магнийн карбонат 20.48%, чийглэг 11.73%, глутамат натри, нитрит, формальдегид илэрсэн тухай сорилтын дүгнэлт гарсан байна. Шинжилгээний дүнгээс үзэхэд уг цагаан бодис нь цардуулын өндөр агууламжтай, нэмэлт бүхий нийлмэл хольц байна гэж мэргэжлийн хяналтын газраас мэдээллээ.