Улсын арслан Ц.Содномдоржтой холбоотой асуудлаар МҮБХ-нд ямар нэг мэдээлэл байхгүй тул, тайлбар хийх боломжгүй гэлээ

Нийслэлийн Ерөнхий прокурор асан Д.Баярмагнай, Хөвсгөл аймгийн Тосонцэнгэл сумын харьяат бөх улсын арслан Ц.Содномдорж нар  Сингапур улсад казино тоглон, хулгай хийсэн хэргээр баривчлагдсан гэх мэдээлэл цацагдаад байгаа юм. Улсын арслан Ц.Содномдоржтой холбоотой уг асуудлын талаар Монголын үндэсний бөхийн холбооноос тодруулахад энэ талаар ямар нэг мэдээлэл байхгүй  тул холбооны зүгээс байр суурь илэрхийлэх боломжгүй гэлээ. 

Харин Улсын арслан Ц.Содномдорж Сингапур улсад эрүүл мэндийн шалтгаанаар очиж зүрхэндээ эмчилгээ хийлгэсэн. Ямар нэг гэмт хэрэгт холбогдож, мөрийтэй тоглосон зүйл байхгүй гэж хэлсэн юм.