ШААРДЛАГАГҮЙ БОЛ НОГООН БҮСЭД ЗОРЧИХГҮЙ БАЙХЫГ АНХААРУУЛЛАА

Он гарсаар нийслэлийн нутаг дэвсгэрт 12 удаагийн ой, хээрийн түймэр бүртгэгдсэн байна. Эдгээр түймрийг унтраахаар нийслэлийн Онцгой байдлын газрын 900 гаруй албан хаагч /давхардсан тоогоор/, 88 автомашин хүч хэрэгсэлтэйгээр үүрэг гүйцэтгэн ажиллажээ. Түймэрт нийтдээ 93.5 га газар өртсөн байна.

Тэгвэл өнөөдөр Хан-Уул дүүргийн 11 дүгээр хороо Соёмботой уулын зүүн дээд хэсэгт гал гарсан дуудлага 10:00 цагийн орчим нийслэлийн Онцгой байдлын газарт ирсэн бөгөөд дуудлагын дагуу Гал түймэр унтраах, аврах таван ангийн нийт 60 гаруй албан хаагч түймрийг унтраахаар ажиллажээ.

Тиймээс нийслэлийн ногоон бүсэд хуурайшилт их байгаа энэ үед иргэд олон нийтийг ногоон бүсэд шаардлагагүй бол зорчихгүй байх, галын аюулгүй байдлаа хангаж, ил задгай гал гаргахгүй байхыг анхааруулж байна.