Засгийн газраас циркийн байрыг зориулалтын дагуу ашиглахыг үүрэг болголоо

"Аса" циркийн асуудлаас үүдэн үе үеийн циркчид  бэлтгэл хийх байтугай үзүүлбэр үзүүлэх ч танхимгүй болсон. Гэвч асуудал шийдэгдэхгүй хэвээр байсаар олон жилийн нүүрийг үзэж байна.

Зориулалтын байр талбай байхгүй болсноос үүдээд циркийн урлаг цаашид хөгжих үү, мөхөх үү гэдэг зам зурайж байна гэж туршлагатай циркчид халаглан ярих болсон.  Тэгвэл өнөөдрийн засгийн газрын хуралдаанаар циркийн урлагийн цаашдын хөгжлийг дэмжих талаар зохих арга хэмжээ авах шаардлагатай гэж үзээд салбарын сайд нарт үүрэг чиглэл өглөө.

Ингэхдээ  “Аса консалтинг” ХХК-тай байгуулсан “Худалдах, худалдан авах” гэрээнд заасан “Улсын циркийн үйл ажиллагааны чиглэлийг өөрчлөхгүйгээр, зориулалтын дагуу ажиллуулах нөхцөл”-ийг хангуулах, хэрэгжилтийн тайланг танилцуулж, холбогдох арга хэмжээ авахыг Төрийн өмчийн бодлого зохицуулалтын газарт даалгажээ.