ХАЧИГТ ХАЛДВАРААС СЭРЭМЖЛҮҮЛЖ БАЙНА

Жил бүрийн өдийд хачигт хазуулах улмаар хачигт халдвараар өвчлөх эрсдэл өндөр байдаг. Энэ оны таван сарын байдлаар л гэхэд Орхон аймагт хачигт хазуулсан гэх иргэдийн тоо 21 бүртгэгджээ. Үүнээс дөрвөн хүн хачигт халдвараар өвчилж, нэг хүн нас барж, нэг хүний бие маш муу байгаа хамарсалтай мэдээ байна. Хачигт хазуулсан иргэд 20-40 насныхан бөгөөд Булган аймгийн Бугат, Хангал, Хутагт-Өндөр, Майнт, Бүрэгхангай, Сэлэнгэ аймгийн Зүүнхараа сумдад зорчиж байхдаа хазуулсан байна. Хачигт халдвар нь хүн малд хачигаар дамжин халдварладаг байгалийн голомтот хурц халдварт өвчин юм. Хачигаар дамжин халдварладаг 30 гаруй төрлийн халдвар байдаг байна.