Үр дүн: Д.Ганбаатарын эзэмшлийн “Макс рөүд” ХХК Хөгжлийн банкнаас авсан 71.8 тэрбум төгрөгийн зээлээ бүрэн төлжээ

Баянхонгор-Алтай чиглэлийн 126.7 км авто замын төсөлд одоогоос хоёр жилийн өмнө буюу 2020 оны 10-р сард Макс Рөүд ХХК нь 71,8 тэрбум төгрөгийн зээл авч байжээ. Дээрх хэмжээний мөнгийг жилийн 11.8 хувийн хүүтэй 1.2 жилийн хугацаатай Хөгжлийн банкнаас авч байсан. Гэвч  зээл эргэн төлөх гэрээний хугацаа 2021 оны 12-р сард дуусч зургаан сар орчмоор хугацаа хэтрээд байсан юм.

Харин Макс-ийн тодотголтой Д.Ганбаатар өнгөрсөн 1-р сарын 20 ны өдрөөс хойш зээлийн үндсэн үлдэгдэл 18 тэрбум төгрөг, зээлийн хүү, торгуулиа бүрэн барагдуулсан байна.

Мөн Макс Рөүд ХХК-ийн зээл зориулалтын дагуу ашиглагдаж замын төсөл 100 хувь хэрэгжсэн байна.