​ Үр дүн: “Сод Монгол групп” ХХК Хөгжлийн банкнаас авсан зээлээ долоон жилийн дараа бүрэн төлж барагдууллаа

УИХ-ын гишүүн Ц. Анандбазарын эзэмшил Сод Монгол групп ХХК одоогоос долоон жилийн өмнө буюу 2017 оны 8-р сард Хөгжлийн банкнаас 669.9 сая иен буюу 17 тэрбум 160 сая төгрөгийн зээл авсан. Анх зээл авахдаа тос тослогооны материалын үйлдвэр байгуулах төсөл нэрээр жилийн 6.5 хувийн хүүтэй таван жилийн хугацаатай авч байжээ.

Гэвч зээлээ зориулалтын бусаар ашигласан, төсөл хэрэгжих эсэх нь тодорхойгүйн дээр зээл төлөх хугацаа нь хоёр жилээр хойшлоод байсан юм.

Харин Хөгжлийн банкны луйвар булхайг олон нийтэд мэдээлж зээл төлүүлэх ажлыг эхлүүлснээс хойш буюу өнгөрсөн 1-р сарын 20 ны өдрөөс хойш авсан зээл, хүү торгуулиа алдангитай нь төлж барагдууллаа.