Бурхан багшийн их дүйчин өдөр ирэх сарын 14-нд тохиож бүх нийтээр амарна

Нийтээр тэмдэглэх баярын болон тэмдэглэлт өдрүүдийн тухай хуульд зааснаар Зуны тэргүүн сарын шинийн 15 буюу Бурхан багшийн их дүйчин өдөр бүх нийтээр амардаг.  

Энэ өдөр нь аргын тооллын тавдугаар сарын 16 болон зургаадугаар сарын 14-нд хоёр удаа тохиож байгаа юм. Гэвч Гандантэгчинлэн хийдээс "2022 оны тав, зургаадугаар сард хоёуланд нь зуны тэргүүн сар тохиож байгаа бөгөөд зурхайн ухаанаараа Бурхан багшийн дүйчин өдөр нь зургаадугаар сарын 14-нд болно" гэж мэдээлсэн. 

Энэ хүрээнд  ирэх зургаадугаар сарын 14-ний мягмар гарагт бүх нийтээр амрах юм.