Хэнтий аймгийн Засаг Ц.Чогсомжав төрийн байгууллагууддаа гэнэтийн шалгалт хийж байна

Иргэдэд хүрэх төрийн үйлчилгээний чанар хүртээмжийг дээшлүүлэх,  хүнд сурталыг арилгах зорилгоор Хэнтий аймгийн Засаг даргын захирамжаар жишиг үйлчилгээний стандартын батлаж төрийн 187 байгууллага хэрэгжүүлэн ажиллаж байна.

Үүний хүрээнд байгууллагуудын ажлын цаг ашиглалт, иргэдэд үзүүлж байгаа үйлчилгээний стандарт хөрсөн дээрээ хэрхэн хэрэгжиж байгааг Хэнтий аймгийн Засаг Ц.Чогсомжав биечлэн шалгадаг аж.

Ингэхдээ тухайн байгууллагад урьдчилан мэдэгдэлгүй, гэнэтийн байдлаар, иргэний хувиар үйлчилгээ авахаар очдог бөгөөд энэ нь бодит байдалтай танилцахад дөхөм болдог байна.

Энэ үеэрээ үйлчилгээ авч байгаа иргэдтэй уулзаж, тулгамдаж байгаа асуудлыг нь сонсож газар дээр нь  үүрэг даалгавар өгч байна. Одоогийн байдлаар аймгийн Нэгдсэн эмнэлэг, Газрын харилцаа, барилга хот байгуулалтын газар, сургууль, цэцэрлэгт ажиллажээ.