C.Бямбадорж: Суманд ирснээс хойш гэр бүл, аж ахуйдаа хангалттай цаг гаргаж, амар амгалан амьдарч байна

Хөдөлмөрлөж чадвал хаана ч боломж байдаг гэдгийн жишээ болсон залуу гэр бүлийг та бүхэндээ онцлон хүргэж байна.

Хашаандаа чацаргана болон төрөл бүрийн жимсний мод, ногоо тарихаас гадна мал аж ахуй эрхэлж, эхнэр нь төрийн албанд ажилладаг.Тэд хөгжиж дэвших бүхий л боломжийг ашиглаж, дорнод нутагтаа сайхан амьдарч байна. Хүүхдүүдийнхээ амьдрах орчин боловсролд ч тэд маш их анхаарлаа хандуулдаг. С.Бямбадоржийнх гурван охинтой бөгөөд охидынхоо өрөөг сайхан тохижуулан амар тайван бөгөөд аз жаргалтай амьдарч байна.

  Хотод байхаар гэр бүлдээ зарцуулах цаг зав бага байдаг. Учир нь замын түгжрэлд явсаар байтал орой болдог нь стрессдүүлдэг байсан хэмээн ярьлаа. Тэд суманд амьдарснаар гэр бүлдээ, аж ахуйдаа илүү их цаг гаргаж байгаа талаар ярьсан юм.