Нийслэлийн худалдан авах ажиллагааны газрын хоёр албан тушаалтныг яллагдагчаар татан саатуулжээ

Нийслэлийн худалдан авах ажиллагааны газрын нэр бүхий хоёр албан тушаалтныг эрүүгийн хэрэгт яллагдагчаар татан, саатуулжээ.

Өчигдөр дээрх албан тушаалтнуудын гэр болон Худалдан авах ажиллагааны газарт Авлигатай тэмцэх газраас нэгжлэг хийж, тэдний оффисоос авлигад авсан мөнгийг хураан авсан байна.

Цагдан хоригдсон албан тушаалтнуудыг эрх мэдэл, албан тушаалын байдлаа урвуулан ашиглаж, бусдад давуу байдал олгосон гэх үндэслэлээр саатуулан шалгаж байгаа юм. Хэрэгт холбогдогч нар нь нэр бүхий аж ахуй нэгжид давуу байдал олгож, тендерт шалгаруулсан нь шалгалтын явцад баримтаар тогтоогдсон гэдгийг эх сурвалж мэдээллээ.