Ж.Ичинхорлоо: Залуу байхад тарваган хүн явж байна гээд хүмүүс гайхаад, шавчихдаг байсан

Монголын хамгийн намхан хүн Дорнод аймгийн Чойбалсан сумын малчин Ж.Ичинхорлоо гуйаг та бүхэндээ онцлон хүргэж байна. Тэрбээр өдгөө 71 настай. Чойбалсан сумандаа мал маллан амьдардаг. Тэрбээр 200 гаруй богоо ганцаараа маллаж бөйгаад тавхоногийн өмнө хүү, бэрийндээ нүүж ирээд байгаа юм. Ж.Ичинхорлоо гуайн хөл өвддөг учраас энэхүү ягаан хувинг таван жил таяглаж яваа талаараа ярьж байлаа.

Ж.Ичинхорлоо гуай огт зүгээр суудаггүй, хөдөлмөрч нэгэн. Өглөө таван цагт босч цайгаа чанаад гэрийнхээ ажлыг хийдэг. Ягаан хувиндаа аргал хийж байгаад шуудайгаа дүүргэн өдөрт 2-3 шуудай аргал түүдэг. Түүний өдрийн ажил үүгээр ч дуусахгүй. Эхийнхээ сүүнд цадахгүй байгаа хурга ишгээ сүү халааж угждаг. Хамгийн сайха нулирал хаврын улирал, шинэ төл гарч ирээд гоё байдаг хэмээн хуучиллаа.

 Ж.Ичинхорлоо гуайг ах дүү нар нь хот руу авч явж олон сонирхолтой зүйлс үзүүлсэн талаар ярьж байлаа. Хамгийн таалагсан зүйл нь шөлөндөө гэдэг газарт цуйюн идэхэд гоё байсан талаар ярьлаа. Тэрбээр залуудаа оёдолчин  болно хэмээн мөрөөддөг байжээ.

 Ж.Ичинхорлоо гуай ганц хүүтэй. Түүний хүүг И.Балжир гэдэг, мөн л Чойбалсан сумынхаа төвөөс холгүйхэн эхнэртэйгээ мал маллан амьдардаг. И.Балжирын гэр бүл хүү, охинтой. Том охин нь тусдаа гарч хүүхдүүдтэй болсон бол, бага хүү нь Дархан хот руу ажиллахаар явжээ. Охин хүү хоёр нь тусдаа гараагүй байхдаа эмээдээ их л хань бараа болдог байсан талаар ярьж байсан юм. Ж.Ичинхорлоо гуай ач хүү, охин хоёроо ярихаараа хоолой нь зангирч, хүлээж, харуулддаг нь мэдрэгдэж байлаа.

 Ж.Ичинхорлоо гуай радиогоор улс орон, гадаад улсад болж байгаа мэдээллийг сонсдог. Түүний хувьд радионыхаа баттерейг гамнаж өдөрт 2,3 удаа л сонсдог хэмээн ярьж байлаа.

 Монголынхоо зүүн хязгаарт өв уламжлалаа дээдлэн насаараа мал даган амьдарсан эгэл жирийн иргэн Ж.Ичинхорлоо гуайг онцлон хүргэлээ. Хүмүүс ирэхэд сайхан, элдэв сонин хачин сонсоод гоё байдаг юм хэмээн хуучилсаар биднийг үдсэн юм. 

Нэвтрүүлгийг бүтнээр доорх бичлэгээс үзнэ үү.