​Нийслэл явуулын түргэн хоолны цэг ажиллуулахад "Зөвшөөрөл шаардахгүй" гэсэн ч ойлголтын зөрүү үүсжээ

Нийслэлийн засаг дарга зөвшөөрөл шаардахгүй үйл ажиллагаа явуулах 74 нэр төрлийн жагсаалтыг оны эхэнд танилцуулсан. Энэ жагсаалтын 25-д явуулын түргэн хоолны үйлчилгээ тухай зааж өгсөн. Манайх шиг дөрвөн улиралтай улсад гудамжны хоол үйлдвэрлэл дулааны улиралд ажиллах боломжтой. Урин дулаан болж байгаатай холбоотой машинтай хоолны цэгийг ажиллуулж буй "Food station"-ын хамт олоныг тулгамдсан асуудлаар энэ удаагийн сурвалжилгыг бэлтгэлээ. 

"Food station"-ын хамт олон өнөөдөр гурван машинтай, дөрвөн нэр төрлийн халуун хоолоор нийслэлийн иргэдэд үйлчилж байна. Тэдний нэг машин өдөрт 100-150 хүнд үйлчлэх хүчин чадалтай. Эднийх өөрийн хүнсний үйлдвэртээ стандарт шаардлагад нийцсэн эрүүл орчинд хоолоо бэлтгэн савлаж машинууддаа хүргэлт хийдэг. Эдгээр бэлтгэсэн хоолыг машины гал тогоонд эцсийн боловсруулалт хийдэг байна.   

 "Food station" -ын хамт олон  өнгөрсөн хугацаанд хуулийн хүрээнд шаардагддаг бүх зөвшөөрөл стандарт дүрэм журмыг биелүүлжээ.  Тэд дүүрэгтэйгээ гурвалсан гэрээ хийн үйл ажиллагаа явуулах эрхийн гэрчилгээ авч, хоолоо шинжилгээнд оруулан стандартын бичгээ авчээ. 

 Хэдийгээр нийслэлийн засаг дарга явуулын түргэн хоолны үйлчилгээ эрхлэхэд зөвшөөрөл шаардахгүй гэж хэлсэн ч хүнсний аюулгүй байдлын тухай хуулийн хүрээнд эрүүл ахуйн шаардлага ханган ажиллах ёстой гэж нийслэлийн засаг даргын ахлах зөвлөх Д.Мөнх Эрдэнэ хэлж байна. 

Харин  "Food station" түргэн хоолны сүлжээг үүсгэн байгуулагч О.Билгүүний тухайд өнгөрсөн хугацаанд төрийн байгууллагууд нэгдсэн олголтгүй, уялдаа холбоо муутай байсан нь бидний ажилд хүндрэл учруулж байна.  Цаашид хэрхэн талаар нэг ширээний ард суун нэгдсэн ойлголтод хүрнэ гэж найдаж байна гэсэн юм.