Дорнод аймгийн "Өсөх ирээдүй" хамтлаг дэлхийн аварга шалгаруулах тэмцээнээс хүрэл медаль хүртлээ

Дэлхийн 51, Азийн дөрөв, Монгол улсаас дөрвөн хамтлаг "World cheerleading championship" оролцсоноос Дорнод аймгийн "Үүлэн балет" бүжгийн дугуйлангийн дэргэдэх "Өсөх ирээдүй" хамтлаг "Hip hop" бага насны төрөлд хүрэл медаль хүртжээ.

Хэдийгээр чансаагаар мөнгөн медаль авах байсан ч Америкийн элчингийн визийн асуудлаас болж хоёр хүүхэд хасагдаж шүүгч нараас оноогоо хасуулсан ч мөнгөн медалийн дайтай хүрэл хүртлээ хэмээн хамтлагийнхан баярлаж байна.

"Үүлэн балет" бүжгийн клуб нь анх 2013 онд үүсгэн байгуулагдаж анх 8 суралцагч бүжгийн дугуйландаа элсүүлэн суралцуулж байсан бол өнөөдрийн байдлаар 80гаруй суралцагчдыг дугуйландаа хамруулаад байна.Хаврын уянга, спорт бүжгийн тэмцээнүүдийн алт, мөнгө, хүрэл медаль, Зүүн бүсийн аймгуудын бүжиг дэглээч Монгол улсын урлагийн гавьяат зүтгэлтэн Санжаасүрэнгийн нэрэмжит бүжгийн уралдааны шилдэг номер, Дорнод аймгийн МУСТА Эрдэнэочирын нэрэмжит бүжгийн тэмцээний гранпри, Шаффл бүжгийн тэмцээний 3р байрын шагнал, Мөрөөдлийн мөнгөн аялгуу урлагийн наадмын гранпри зэрэг шагналыг тус тус хүртжээ.