Дэлхийн банк Монголын эдийн засгийн өсөлтийг бууруулж 2.5 хувь, цаашлаад 0.7 хувьд ч хүрч магадгүй гэж таамаглажээ

Монгол Улсын эдийн засгийн өсөлтийн төлөвийг дэлхийн банк хоёр дахин бууруулж 2.5 хувьд хүргэсэн байна. Монголын эдийн засагт гадаад нөхцөл байдлаас шалтгаалсан олон шок үүсч байгаа ч Монголбанк, Засгийн газраас хэрэгжүүлсэн зарим бодлогын нөлөө нийт эдийн засагт дарамт болж байгааг анхааруулжээ. 

Тодруулбал, цар тахалтай хоёр жилийн хугацаанд төсвийн хэт тэлсэн бодлого явуулсан нь төсвийн алдагдал, Засгийн газрын өрийг нэмэгдүүлжээ. Мөн зарим хөнгөлөлттэй хөтөлбөрийн үр дүнд Монгол Улсын инфялц /14.4%/ бүс нутагтаа өндөр орох хэмжээнд хүрэхэд тодорхой хэмжээгээр нөлөөлсөн байна. Цаашдаа Монголбанк төсвийн шинжтэй хөтөлбөрөөс татгалзаж, бие даасан, хараат бус байдлаа хангаж явахыг санууллаа. Нэн даруй эдийн засгийг сэргээх арга хэмжээ авахгүй бол эдийн засгийн өсөлт 2.5 хувиас 0.7 хувь болж буурах ч магадлалтай байгааг хэллээ